شعر حب فلسطيني

موضوع: شعر حب فلسطيني الأحد يونيو 29, 2008 2:57 pm

السلام عليكم

الحب بالفلسطيني
حبك برفش بقلبي رفش .....
من كتر حبك.....أبتحممش.....
بتصدقي لو جابولي .. ثور .. لو ..جابولي .. كبش...
بالك عن حبك ... بتزحزح ..... أبتزحزحش.....

ولو .. طلع .. عني الونش ... وزغرت ... وصرت كد الانش ... وحطوني ....بالعش....
ولو اكبرت .... وصرت ... كد الوحش....
بالك عن حبك ... بتزحزح ....أبتزحزحش.....
طلت علي ...بالمجرود.... ومن كتر الضرب ... صار جسمي زي البارود....

وبعصاه القشاطه .... ومن الضرب ... صار جسمي زي المشاطه..
بالك ليش انا طافش... وليش أنا بدافش... كلو لأجل حبك .. ولأجل اني أظل عايش...
بس عن حبك .... بتزحزح ....ابتزحزحش......
زغزغيني ... أضربيني ... الحقيني.... بنتعش مثل ديك الحبش.. بنتفش نفش....

دهنت الحيط دهان املشن ... وطرشته طرش....
بس عن دهان الزيت ... بقدرش
فكرك عن حبك بتزحزح .... أبتزحزحش....
لو طلعتي على الحيط .... وربطيني بخيط وناديتيلي أبطقرفطش....

تذكري يوم ما طلبتك من أبوكي.....
لحقني بحكي .... اكبر من الدبش.....
صحيح أبيش في جيبتي ولا قرش....
بس بقولو عني زلمه ... أبطاوشش...
بس والله عن حبك ... أبتزحزحش

لا تقلي حب هندي ولا حب امريكي فش بعد الحب الفلسطيني

خواطر رائعه وكلمة جميله دامت لنا ابداعتك وتقبل مروري